Wednesday, January 28, 2015

what is Nano Technology ?

ඕනෑම පදාර්ථයක් නිර්මාණය වී ඇත්තේ අණුවල එකතුවෙනි. පදාර්ථයේ මූලික ඒකකය වූ අණුවක ආකෘතියේ අප විසින් ඇති කරනු ලබන වෙනසත් සමඟ එකී ආකෘතිය හරහා නිර්මාණය වන්නා වූ නව්‍ය පදාර්ථයන් හී ඇති රසායනික හා භෞතික ගුණාංගයන් මානව වර්ගයාගේ යහපත උදෙසා යොදා ගැනීම, නැණෝ තාක්‍ෂණවේදය හරහා සිදුවෙමින් පවතී.
කුඩා බව, වේගවත් බව හා ලාභදායිකම නිසා නැණෝ තාක්‍ෂණය ලොව පුරා ජනප‍්‍රියව පවතී. නැණෝ මීටරය එහි වූ මිණුම් දණ්ඩයි.
අප හඳුනන මීටරයකින් බිලියනයකින් එක් කොටසක් වූ නැණෝ මීටරයක විෂ්කම්භය අපගේ කෙස් ගසක විෂ්කම්භයට වඩා 50,000 වාරයකින් කුඩා ය. නැණෝ අංශුවක් එල්ලේ ක‍්‍රීඩා කරන පන්දුවක් සමඟ සසදා බලන්නේ නම් එල්ලේ පන්දුව නැණෝ අංශුව මෙන් 10^7 වාරයක් (10,000,0000) විශාලය.
ප‍්‍රමාණය එසේ වුවද, නැණෝ තාක්‍ෂණික නිමැයුම් හා ද්‍රව්‍ය ගැන සලකා බැලීමේ දී, ඒවායේ වු සැහැල්ලූ බව, ශක්තිමත් බව, විනිවිදභාවය සහ කි‍්‍රයාශීලිභාවය, ඉක්මන් ප‍්‍රතික‍්‍රියාකාරීභාවය වැනි ගුණාංග සහ වෙනත් ද්‍රව්‍ය හා මිශ‍්‍ර කිරීමෙන් පසු එකී ද්‍රව්‍යයන්ට ලබාදෙන අතිමහත් ශක්තිය හා කර්යක්‍ෂම බව නැණෝ තාක්‍ෂණය කෙරේ ලෝකයේ ම අවධානය යොමු වීමට හේතු විය.
වර්ෂ 2015 දී සපුරා ගත යුතු ඉලක්ක කේන්ද්‍රකොට ගනිමින් වර්ෂ 2010 දී ජර්මනිය දියත් කළ පස් අවුරුදු නැණෝ තාක්‍ෂණ අභිවෘද්ධි කි‍්‍රයාන්විතය සඳහා වෙන් කරන ලද මුදල යුරෝ මිලියන 400 කි. මෙම මුදල නැණෝ තාක්‍ෂණය වැඩි දියුණු කිරීම උදෙසා බටහිර යුරෝපීය රටක් වෙන්කළ විශාලම මුදල සේ සැලකේ.
බලශක්තිය, දේශගුණය, සෞඛ්‍යය සහ ආහාර, ආරක්‍ෂාව සහ සංචලනය (mobility) යන ක්‍ෂ්ත‍්‍රයන්හි සංවර්ධනය සහ අධි තාක්‍ෂණික උපාය මාර්ග වැඩි දියුණු කිරීම, නැණෝ තාක්‍ෂණික ක‍්‍රමවේදයන් තුළින් තම දේශය වෙත දිනා ගැනීම එහි අපේක්‍ෂාව යි.
ජර්මනිය හැරුණ විට නැණෝ තාක්‍ෂණය උදෙසා විශාල මුදලක් වාර්ෂිකව වෙන් කරනු ලබන අනෙක් රට වන්නේ චීනයයි. එම මුදල ඇමරිකානු ඩොලර් මිලියන 250 කි. රුසියාව වාර්ෂිකව ඩොලර් මිලියන 25 ක් ද, අපේ අසල්වැසි ඉන්දියාව වසරකට ඩොලර් මිලියන 23 ක්ද, නැණෝ පර්යේෂණ හා සංවර්ධන කටයුතු සඳහා වැය කරයි.
nano_sensors
කෘෂි කර්මාන්ත විෂයෙහිලා හඳුන්වා දී ඇති නැණෝ සෙන්සර් (nano sensors) නමැති සංවේදී උපකරණ මගින් කෘෂි කාර්මික බවභෝග වර්ධනයේ දී ඒවායේ නිරෝගී භාවය නිරීක්‍ෂණය කොට දත්ත ලබා දීමත්, සක‍්‍රීය නැණෝ අංශු මගින් පසෙහි වූ අහිතකරතාවයන් ඉවත් කරලීමත් සිදු කෙරේ. මෙබදු නැණෝ සෙන්සර් ජාලා පද්ධති මගින් භව භෝගයන්ට වෛරස් වර්ග මගින් වැළදිය හැකි රෝග කල්තියා හඳුනා ගැනීම, පසෙහි සරු බව සේම, භෝග වලට ඉතා කාර්යක්ෂමව, වර්ධනයට අවශ්‍ය පොහොර සහ කෘමි නාශක නැනෝ කැප්සුල (nano capsuls) මගිවන් නිශ්චිත ඉලක්කයටම ලබා දීම සැබැවින්ම විශ්ම ජනකය. තවද මේ වන විට ආහාර සැකසීම සේම සෞඛ්‍යාරක්‍ෂිතව ගුණාත්මක භාවයට හානි නොවන පරිදි ආහාර වර්ග ඇසුරුම් කිරීමට ද නැණෝ තාක්‍ෂණය වර්තමානයේ දී භාවිතා කෙරේ.
මීට අමතරව පශු සම්පත සංවර්ධනය සඳහා ද වර්තමාන ලෝකය නැණෝ තාක්‍ෂණය භාවිතා කරයි. නැණෝ අංශු මගින් පශු සම්පත සඳහා වර්ධක හෝමෝන, එන්නත් සහ ජාන ඉංජිනේරු තාක්‍ෂණය සඳහා DNA භාවිතා කිරීමේ ක‍්‍රමවේද පහසු කොට තිබේ.
රෙදි පිළි කර්මාන්තයෙහි නව මානයක් ඇති කරමින් රෙදි සේදීමේ දී වදයෙන් ඔබව මුදවා ගැනීමට දැන් නැණෝ තාක්‍ෂණයට හැකි වී තිබේ. නැණෝ පර්යේෂකයින් විසින් සාර්ථකව අත්හදා බලා ඇති පරිදි වූල් (wool) වර්ග සහ සිල්ක් (silk) වර්ග වල රෙදි, නැණෝ තාක්‍ෂණය ඇසුරෙන් නිපද වූ මේවා (nano fabric) එහි රැදෙන කුණු පැල්ලම් නැණෝ අංශු මගින් කා දැමීම නිසා ගෙදර ගෘහණියට හෝ ඔබට රෙදි සේදීම ගැන ඉදිරියේ දී කරදර විය යුතු නොවේ.
එසේම මේ අයුරින්ම නිපද වූ නැණෝ රසායනික දියර මගින් (ස්පේ‍්‍ර කිරීම මගින්) ඔබගේ මුළු තැන්ගෙයි ඇති දැලි කුණු සහමුලින්ම ඉවත් කර දමනවා පමණක් නොව ඒවා යලි එකතු වීමද වලකා දමයි.
හරිත නැණෝ තාක්‍ෂණය (green nano technology) ඔස්සේ සිදු කෙරී ඇති පර්යේෂණ මගින් හෙට ලොවට යහපත් පරිසරයක් බිහි කිරීමේ මාවත උදා වී තිබේ.
නිෂ්පාදන කි‍්‍රයාවලියන් උදෙසා අවම බලශක්තියක් යෙදවීම සහ සැමවිටම පාවිච්චියට ගැනීමෙන් පසු ඉවතලන දෑ ප‍්‍රතිචක‍්‍රීකරණය කිරීම, පරිසර හිතකාමී අමුද්‍රව්‍ය භාවිතය වැඩි වර්ධනය කිරීම සේම, බිලියන සංඛ්‍යාත වූ ලෝක ජනතාවට, නැණෝ තාක්‍ෂණ ක‍්‍රමවේද භාවිතයෙන් විෂබීජ, අපිරිසුදු දෑ ඉවත්කොට පෙරා, පිරිසිදු කළ පානීය ජලය ලබා දීම, ලෝකයේ මීලඟ කර්මාන්ත විප්ලවය වේ.
ද පැසිෆික් නොර්ත් වෙස්ට් නැෂනල් ලැබොරටරි (The Pacific North West Laboratory) මගින් සිදු කළ පර්යේෂණයක දී ආදේශක සිලිකා අංශු මගින් ජලයට මුසු වී ඇති විෂ කොටස් ඇඳගැනීම නිසා ජල මූලාශ‍්‍ර අපවිත‍්‍රවීමෙන් සිදුවන හානිය හා ජල දූෂණය වලක්වා ගැනීමට හැකි වී තිබේ.
මේ අනුව බලන කල වත්මන් සමාජ ප‍්‍රගමණය උදෙසා නැණෝ තාක්‍ෂණ ක‍්‍රමවේදයන් භාවිතා කිරීම තුළින් පරිසරය, සෞඛ්‍ය සහ ආරක්‍ෂාව සුරක්‍ෂිත කිරීමට, සුවිශාල වූ ඉඩහසරක් ඇති කෙරෙමින් පවතින බව පිළිගැනීමට අප මැලිවිය යුතු නැත.
කාර්මික විප්ලවය ලෝකයටම ලබා දුන් එක් භයානක අතුරුඵලයක් වූයේ පිළිකා රෝගයයි. සාමාන්‍යයෙන් විවිධ රෝග පීඩා, අතුරු අන්තරා යනාදිය හේතුවෙන් ලෝක ජනගහනයෙන් මිලියන 58-65 අතර ප‍්‍රමාණයක් එක් වසරක දී මිය යති. සාමාන්‍යයෙන් මෙම මරණ අතුරෙන් 13% – 15% අතර ප‍්‍රමාණයකටම මරණ වරෙන්තුව වූයේ පිළිකා රෝගයයි. වර්ෂ 2015 වන විට ලෝක ජනගහනයෙන් මිලියන 09 ක් පිළිකාවෙන් මිය යන බවත්, වර්ෂ 2030 දී එම සංඛ්‍යාව මිලියන 11.4 දක්වා ඉහළ යන බවත් පෙන්වා දී ඇත්තේ 2006 ලෝක සෞඛ්‍ය සංවිධානය නිකුත් කළ වාර්තාවකට අනුවය.
පිළිකා වර්ග හඳුනාගැනීම, නිරීක්‍ෂණය, නිවැරදි ඉලක්කයට ප‍්‍රතිකාර කිරීම නැණෝ තාක්‍ෂණ ක‍්‍රම හරහා පහසු වී තිබේ. වසරකට 15,000 පමණ පිරිසක් පිළිකා රෝගීන් බවට පත්වන අපේ රටට ද මෙම සොයා ගැනීම් හෙට දවසේ දී ආශිර්වාදයක් වනු ඇත.
පිළිකා වර්ග විශේෂයෙන්ම පිරිමින්ගේ, ෆොස්ටේ‍්‍රට් ග‍්‍රන්ථිය ආශ‍්‍රිත පිළිකා හඳුනා ගැනීමට ප්‍රෝටීන් ආස්තරණය කළ (protein coated nano wires) නැනෝ වයර් යොදා ගැනේ. සාමාන්‍ය වෛරසයකට වඩා පස් ගුණයකින් කුඩා වූද ඉතා ශක්තිමත් සේද නූලක් බදු දීප්තිමත් සිලිකා විශේෂයකින් මෙම නැනෝ වයර් නිපදවා තිබේ.
පිළිකා ෙසෙලම ඉලක්ක කොට, අනෙකුත් ෙසෙල හා පටක වලට හානි නොවන පරිදි පහර දීමටත්, විනාශ කිරීමටත් හැකියාව ඇති, නැනෝ ෂෙල්ස් (nano shells) නමැති පිළිකා ෙසෙල ඉලක්ක කොට විනාශ කර දැමීම නූතන ක‍්‍රමවේදය වර්තමානයේ අප අත්දකින තවත් එක් නැණෝ හාස්කමකි.
nanotubes
මීට අමතරව පිළිකා මර්ධන ප‍්‍රතිකාර ක‍්‍රමයේ දී විශිෂ්ඨතම නැණෝ තාක්‍ෂණික භාවිතය බවට පත් වී ඇත්තේ කාබන් නැණෝ ටියුබ්ස් (carbon nano tubes) ඇසුරෙන් සිදු කරනු ලබන ප‍්‍රතිකර්මයයි. කාබන් නැණෝ ටියුබ්ස් වර්ග තුනකි. එකක් තනි බිත්තියේ කාබන් නැණෝ ටියුබ්ස් ය. (single wall carbon tubes) අනෙක් වර්ග ද්විත්ව සහ බහු ස්ථර කාබන් නැණෝ ටියුබ්ස් ය. (multi walled carbon tubes) සිලින්ඩාකාර හැඩැති මේවා සුවිශේෂි විද්‍යුත් හා තාප සන්නායක ගුණාංගයන්ගෙන් හෙබි ඉතා ශක්තිමත් නැණෝ කාබන් ටියුබ්ස් වීම නිසා, නිවැරදිව පිළිකා ෙසෙලයටම පහර දී ඒවා විනාශ කිරීම සඳහා පාවිච්චි කරනු ලබයි. පිළිකා නාශක ඖෂධ වර්ග ඒ කරා රැුගෙන යෑමට වර්තමානයේ දී නැණෝ කාබන් ටියුබ්ස් භාවිත කෙරේ.

2 comments:

Post a Comment