ලෝක ප්‍රකට රථවාහන නිෂ්පාදන සමාගමක් වන හොන්ඩා සමාගම හොන්ඩා ජෙට් යානයක් ලබන වසරේ වෙළෙඳ‍පොළට නිකුත් කිරීමට සූදානම්ව සිටියි.
මෙම ගුවන් යානය සඳහා සහතිකපත් ලබා ගැනීම සඳහා පසුගිය සතියේ ඇමෙරිකාවේ උතුරු කැරොලිනාහි පිහිටි ග්‍රීන්ස් බොරෝහි ජාත්‍යන්තර හොන්ඩා ගුවන් යානා මූලස්ථානයේ දී ගුවන් යානයක් ගුවන්ගත කර ඇත.මෙම ප්‍රථම ගුවන්ගතවීමත් සමග අප ගුවන් යානා වෙළෙඳාම සඳහා සූදානම් බව පවසා ඇත්තේ හොන්ඩා ගුවන් යානා සමාගමේ ප්‍රධාන විධායක නිලධාරී මිචිමාසා ෆුජිනොයි ය. මෙම ක්‍රියාවලියට අපගේ ඉංජිනේරු තාක්ෂණය සහ නිෂ්පාදන කටයුතු හේතුවෙන් ජාත්‍යන්තරයට අධිතාක්ෂණයෙන් යුතු ජෙට් යානාවක් ඉදිරිපත් කිරීමට හැකි වූ බව පවසා ඇත.
මේ වන විට උතුරු ඇමෙරිකාව සහ යුරෝපීය රටවල් සඳහා මෙම යානා සැපයීම හොන්ඩා වෙළෙඳ ව්‍යාපෘතිය මගින් සිදු කිරීමට කටයුතු සලසා ඇත.මගීන් පස්දෙනකු හට ගමන් කළ හැකි මෙම යානය කිලෝමීටර් 777ක වේගයක් සහිත වන අතර එය මීටර් 13,106ක් ඉහළින් පියාසර කිරීමට හැකියාවක් ඇත.ඩොලර් මිලියන 4.5ක් වන මෙම යානය සඳහා මේ වන විටත් යානා සියයකට ඉල්ලුම් ලැබි ඇති බව වාර්තා වේ
No comments:
Post a Comment